डुवर्सबाट लेखिएका नेपाली कथाहरूको लोकसांस्कृतिक अध्ययन Dooarsbat lekhiyeka nepali kathaharuko lok sanskritik adhyayan

Abstract

लोक संस्कृतिले लोकका रीति-थीति, रहन-सहन, धर्म, विश्‍वास आदिको अध्ययन गर्छ। जसरी मानिसको अस्तित्व समाजबाहिर कल्पना गर्न सकिँदैन त्यसरी नै लोकसंस्कृतिको अस्तित्व लोकदेखि बाहिर अनुमान गर्न सकिँदैन। आँगन, दलान, गाउँ-बेसी, पाखा-पखेरा, मेला-पात, धर्म, कर्म र श्रम आदिमा नै लोकसंस्कृति स्वतः प्रदर्शित छ। लोकसंस्कृति भन्नाले लोकले सिकेको, ग्रहण गरेको लोकाचार,रीति-थिति, प्रथा, मान्यता, विश्‍वास हो। लोकसंस्कृतिको क्षेत्र विस्तृत भएका हुनाले प्रस्तुत पत्र अन्तर्गत डुवर्सेली नेपाली कथाहरूको लोकसांस्कृतिक अध्ययनलाई लोकसंस्कारसम्बन्धित कथा, चाड पर्वसम्बन्धित कथा अनि लोकविश्‍वाससम्बन्धित कथा गरी तीनवर्गमा विभाजन गरी अध्ययन गरिने प्रयास गरिएको छ।