बलिवेदी उपन्यासमा पाइने ऐतिहासिक सन्दर्भ Baliwedi upanyasma paine aitihasik sandarbh

Abstract

समीरण छेत्री ‘प्रियदर्शी’-को बलिवेदी (इ सं १९७०) उपन्यासमा दोस्रो विश्वयुद्धकालीन ऐतिहासिक घटनावलीलाई विषयवस्तुका रूपमा ग्रहण गरी औपन्यासिक कथानक निर्माण गरिएको छ। यस लेखमा औपन्यासिक घटनावली र पात्र एवम् पात्रगत क्रिया व्यापारमा निहित ऐतिहासिकता पहिल्याउने काम गरिएको छ। यस क्रममा इतिहास सम्पृक्त घटनाहरूको सत्यतथ्य जाँचेर ऐतिहासिक तथ्यको प्रस्तुतिमा भएका विचलन खुट्‌ट्याउने प्रयास पनि गरिएको छ। यस लेखका लागि आवश्यक सामग्री पुस्तकालयीय विधिद्वारा सङ्कलन गरिएको छ। प्राथमिक सामग्रीका रूपमा समीरण छेत्री ‘प्रियदर्शी’-को बलिवेदी उपन्यास अनि द्वितीय सामग्रीका रूपमा विषयसँग सम्बन्धित विभिन्न पुस्तक तथा लेखहरू उपयोग गरिएका छन्।